زبُور 92 : 1 (URV)
کیا ہی بھلا ہے خُداوند کا شُکر کرنا اور تیرے نام کی مدح سرائی کرنا اَے حق تعالیٰ!
زبُور 92 : 2 (URV)
صُبح کو تیری شفقت کا اظہار کرنا اور رات کو تیری وفاداری کا۔
زبُور 92 : 3 (URV)
(3-4) دس تار والے ساز اور بربط پر اور سِتار پر گونجتی آواز کے ساتھ۔کیونکہ اَے خُداوند! تُو نے اپنے کام سے خُوش کیا۔ میَں تیری صعنت کاری کے سبب سے شادیانہ بجاؤں گا۔
زبُور 92 : 5 (URV)
اَے خُداوند! تیری صنعتیں کیسی بڑی ہیں! تیرے خیال بہت عمیق ہیں۔
زبُور 92 : 6 (URV)
حیوان خصلت نہیں جانتا اور احمق اِسکو نہیں سمجھتا ہے۔
زبُور 92 : 7 (URV)
جب شریر گھاس طرح اُگتے ہیں اور سب بدکردار پھُولتے پھلتے ہیں تو یہ اِسی لئے ہے کہ وہ ہمیشہ کے لئے فنا ہوں۔
زبُور 92 : 8 (URV)
لیکن تُو اَے خُداوند! ابدُالآباد بلند ہے۔
زبُور 92 : 9 (URV)
کیونکہ دیکھ! اَے خُداوند! تیرے دُشمن۔ دیکھ! تیرے دُشمن ہلاک ہو جائینگے۔سب بد کردار پرگندہ کر دئے جائینگے۔
زبُور 92 : 10 (URV)
لیکن تُو نے میرے سینگ کو جنگلی سانڈ کے سینگ کی مانند بلند کیا ہے۔ مجھ پر تازہ تیل ملا گیا ہے۔
زبُور 92 : 11 (URV)
میری آنکھ نے میرے دُشمنوں کو دیکھ لیا ہے۔میرے کانوں نے مُخالف بدکاروں کا حال سُن کیا ہے۔
زبُور 92 : 12 (URV)
صادق کھجور کے درخت کی مانند سر سبز ہو گا۔ وہ لبنؔان کے دیودار کی طرح بڑھیگا۔
زبُور 92 : 13 (URV)
جو خُداوند کے گھر میں لگائے گئے ہیں وہ ہمارے خُدا کی بارگاہوں میں سر سبز ہونگے۔
زبُور 92 : 14 (URV)
وہ بڑھاپے میں بھی برومند ہونگے۔ وہ تروتازہ اور سرسبز رہینگے۔
زبُور 92 : 15 (URV)
تاکہ واضح کریں کہ خُدا راست ہے۔ وہی میری چٹان ہے اور اُس میں ناراستی نہیں۔
❮
❯
1
2
3
4
5
6
7
8
9
10
11
12
13
14
15