تھِسلُنیکیوں ۲ 3 : 1 (URV)
غرض اَے بھائِیو! ہمارے حق میں دُعا کرو کہ خُداوند کا کلام اَیسا جلد پھیل جائے اور جلال پائے جَیسا تُم میں۔
تھِسلُنیکیوں ۲ 3 : 2 (URV)
اور کجَرو اور بُرے آدمِیوں سے ہم بچے رہیں کِیُونکہ سب میں اِیمان نہِیں۔
تھِسلُنیکیوں ۲ 3 : 3 (URV)
مگر خُداوند سَچّا ہے۔ وہ تُم کو مضبُوط کرے گا اور اُس شرِیر سے محفُوظ رکھّے گا۔
تھِسلُنیکیوں ۲ 3 : 4 (URV)
اور خُداوند میں ہمیں تُم پر بھروسہ ہے کہ جو حُکم ہم تُمہیں دیتے ہیں اُس پر عمل کرتے ہو اور کرتے بھی رہو گے۔
تھِسلُنیکیوں ۲ 3 : 5 (URV)
خُداوند تُمہارے دِلوں کو خُدا کی محبّت اور مسِیح کے صبر کی ہدایت کرے۔
تھِسلُنیکیوں ۲ 3 : 6 (URV)
اَے بھائِیو! ہم اپنے خُداوند یِسُوع مسِیح کے نام سے تُمہیں حُکم دیتے ہیں کہ ہر ایک اَیسے بھائِی سے کِنارہ کرو جو بے قاعدہ چلتا ہے اور اُس رِوایَت پر عمل نہِیں کرتا جو اُس کو ہماری طرف سے پہُنچی۔
تھِسلُنیکیوں ۲ 3 : 7 (URV)
کِیُونکہ تُم آپ جانتے ہو کہ ہماری مانِند کِس طرح بننا چاہئے اِس لِئے کہ ہم تُم میں بے قاعدہ نہ چلتے تھے۔
تھِسلُنیکیوں ۲ 3 : 8 (URV)
اور کِسی کی روٹی مُفت نہ کھاتے تھے بلکہ محنت مُشقّت سے رات دِن کام کرتے تھے تاکہ تُم میں سے کِسی پر بوجھ نہ ڈالیں۔
تھِسلُنیکیوں ۲ 3 : 9 (URV)
اِس لِئے نہِیں کہ ہم کو اِختیّار نہ تھا بلکہ اِس لِئے کہ اپنے آپ کو تُمہارے واسطے نمُونہ ٹھہرائیں تاکہ تُم ہماری مانِند بنو۔
تھِسلُنیکیوں ۲ 3 : 10 (URV)
اور جب ہم تُمہارے پاس تھے اُس وقت بھی تُم کو یہ حُکم دیتے تھے کہ جِسے محنت کرنا نہ منظُور نہ ہو وہ کھانے بھی نہ پائے۔
تھِسلُنیکیوں ۲ 3 : 11 (URV)
ہم سُنتے ہیں کہ تُم میں بعض بے قاعدہ چلتے ہیں اور کُچھ کام نہِیں کرتے بلکہ اَوروں کے کام میں دخل دیتے ہیں۔
تھِسلُنیکیوں ۲ 3 : 12 (URV)
اَیسے شَخصوں کو ہم خُداوند یِسُوع مسِیح میں حُکم دیتے اور نصِیحت کرتے ہیں کہ چُپ چاپ کام کر کے اپنی ہی روٹی کھائیں۔
تھِسلُنیکیوں ۲ 3 : 13 (URV)
اور تُم اَے بھائِیو! نیک کام کرنے میں ہِمّت نہ ہارو۔
تھِسلُنیکیوں ۲ 3 : 14 (URV)
اور اگر کوئی ہمارے اِس خط کی بات کو نہ مانے تو اُسے نِگاہ میں رکھّو اور اُس سے صحُبت نہ رکھّو تاکہ وہ شرمِندہ ہو۔
تھِسلُنیکیوں ۲ 3 : 15 (URV)
لیکِن اُسے دُشمن نہ جانو بلکہ بھائِی سَمَجھ کر نصِیحت کرو۔
تھِسلُنیکیوں ۲ 3 : 16 (URV)
اب خُداوند جو اِطمینان کا چشمہ ہے آپ ہی تُم کو ہمیشہ اور ہر طرح سے اِطمینان بخشے۔ خُداوند تُم سب کے ساتھ رہے۔
تھِسلُنیکیوں ۲ 3 : 17 (URV)
مَیں پَولُس اپنے ہاتھ سے سَلام لِکھتا ہُوں۔ ہر خط میں میرا یہی نِشان ہے۔ مَیں اِسی طرح لِکھتا ہُوں۔
تھِسلُنیکیوں ۲ 3 : 18 (URV)
ہمارے خُداوند یِسُوع مسِیح کا فضل تُم سب پر ہوتا رہے۔
❮
❯